برلن: یورپی پارلیمنٹ دے انتخابات توں پہلاں جواناں نے یورپ بھر وچ موسمیاتی تبدیلی تے گلوبل وارمنگ خلاف کارروائی دی منگ لئی احتجاج کیتا۔
جرمنی وچ فرائیڈیز فار فیوچر گروپ نے سماجی رابطے دی ویب سائٹ ٹوئٹراتے اک ٹویٹ وچ آکھیا پئی کلائمیٹ اسٹرائیک لئی اج سڑکاں اتے 3 لکھ 20 ہزاربندے کٹھے ہوئے نیں، جیہڑی ساڈی ہن تائیں دی سبھ توں وڈی ہڑتال اے۔
جرمنی وچ بالاں تے جواناں نے سکول دی چھٹی کرکے گلیشیئر پگھلن، طوفان، سیلاب تے قحط دے خطریاں خلاف آواز اٹھائی۔
برلن وچ احتجاج دوران سیاستداناں اک پیغام وچ آکھیا گیا کہ ‘ تسیں بہانے کررہے او، ساڈے کول ویلا گھٹ اے جدکے اک ہور سنیہے وچ آکھیا پئی رُت بدل رہی اے اسیں کیوں نئیں بدل رہے ؟ وارسا وچ پڈھیاراں دی وڈی گنتی علامتی احتجاج کیتا شہر دی اچیچی تھاواں اتے زمین اتے لیٹے جیویں اوہناں دی موت دا ویلا کول آگیا ہووے۔
428
