بھارتی سپریم کورٹ نے مقبوضہ کشمیر دی خصوصی حیثیت والے آرٹیکل 370 دی منسوخی، وادی وچ انٹرنیٹ، موبائل سروس دی معطلی تے کرفیو دے نفاذ خلاف درخواست دی فوری شنوائی توں انکار کردتا، عدالت آکھیا کہ حالات پہلاں ورگے ہوون وچ ویلا لگے گا۔
خبرایجنسی رائٹرز مطابق مقبوضہ کشمیر وچ نوویں دیہاڑ وی کرفیو لگیا اے۔ جدکے وادی دے وسنیکاں دی زندگی دی مڈھلی لوڑاں تیک اپڑن نئیں ہوپارہیا۔ شہریاں دی آواجاوی تے دوجیاں ہٹکاں مکان لئی سماجی کامے سپریم کورٹ وچ درخاست دائر کیتی اے۔
درخاست گزار دے وکیل منیکا گوروسوامی دا آکھنا سی کہ عدالت نوں ترنت ہسپتالاں تے اسکولاں دی بحالی لئی پیر پٹنے چاہیدے نیں۔
جسٹس ارون مشرا آکھیا کہ ‘صورت حال اجیہی اے کہ کسے نوں کجھ جانکاری نئیں اے کہ کس حالات نوں ویلے ورگیاں لیاون لئی سانوں سرکار نوں کجھ ویلادینا پئے گا۔ کوئی وی اک فیصد ذمہ واری نئیں لے سکدا۔
اوہناں دا آکھنا سی ‘کل جے کجھ غلط ہوگیا تاں اوس دی ذمہ وار کون ہووے گا’۔
سپریم کورٹ ولوں آوندے کجھ دیہاڑاں وچ ایس درخاست بارے کوئی حکم جاری کیتے جاون دی آس اے۔
387
