اورکزئی وچ جلسے نال تقریر کردیاں وزیراعظم عمران خان داآکھنا سی، اوہناں دا مقصد قوم دی جت اے ایس لئی اپنی ٹیم وچ کجھ تبدیلیاں کیتاں۔ عمران خان کہیا، چنگا کپتان مسلسل اپنی ٹیم ول دیکھتا اے اوس میچ جتنا ہوندا اے۔ کئی وار اوس نوں بیٹنگ آرڈر بدلنا پیندااے۔ اوس نوں کسے نوں کڈکے نواں کھڈاری لیانا پیندااے۔
اجیہی تبدیلیاں میں اگے وی کردارواں گا۔سارے وزیراں نوں آکھداآں، جیہڑا ملک لئی فیدے مند نئیں ہووے گااوس نوں بدل دیواں گا۔
وزیراعظم پنجاب تے خیبرپختونخوا دے وزیراعلیٰ نوں وی آکھیا پئی اوہ اپنی ٹیماں اتے اکھ رکھن، اوہناں دی کارگزاری نوں جانچن، نالےاجیہی تبدیلیاں لئی آپ نوں تیاررکھن۔
آکھیاجارہیا اے پئی اوہ چھیتی پنجاب وچ وی تبدیلیاں لیاون گے۔
عمران خان نیں آکھیا، پشتون تحفظ موومنٹ پٹھاناں دی تکلیف دی گل کردی اے، اوہ ٹھیک گل کردی اے۔اوس جیہڑا لہجہ چنیااوہ چنگا نئیں۔ لوکاں نوں فوج خلاف کرنا ٹھیک نئیں۔ایس نال کی فیدا ہووے گا۔
437
لوکاں دا اپنی زندگی تے اپنے عزیزاں دے زندگی دے حق تے دوجے بنیادی حقاں دے متعلق فوج اتے الزام لانا سنگین صورت حال اے۔ ایہہ الزام پختون قبائلی علاقیاں وچ بوہت وڈی تحریک دا مرکزی نکتہ بن گئے۔ ایہہ لوکاں دی تشویش دی gravity دی نشاندہی کرن لئی کافی اے۔ ایس دے بعد وی لوکاں دے مطالبیاں نوں اہمیت نہ دتا جانا ہور تشویش دی گل سی۔ ایہہ سارے دکھ درد جیہڑے ملک دے سب توں طاقتور ادارے دے ملازماں دے متعلق نیں ایہناں دی دوا پاکستان وچ صرف اک منتخب وزیراعظم ہی دے سکدا سی۔ اج پاکستان دا وزیراعظم ایس مسئلے تے بولیا تے ایہہ بولیا بئی فوج دے خلاف گلاں نہ کرو۔
گلاں فوج دے خلاف نیں یا ایہدے حق وچ نیں ایہہ غیر متعلقہ سوال اے، بنیادی سوال ایہہ وے کہ پاکستان دے شہری اپنے بنیادی حقاں دی پامالی دی شکایت پئے کردے نیں ایہنووں اچن چیت سنیا جانا چاہیدا اے۔ لیکن بدقسمتی دی گل اے کہ اج پاکستان دی حکومت نے اعلی ترین سطح تے لوکاں دیاں شکایتاں نوں غور کیتے بنا رد کر دتا تے الٹا اپنا سر تلی تے رکھ کے حق سچ کہن والیاں نوں ہی “فوج دے خلاف گل” کرن دا مجرم بنا دتا۔