حکومت نوں مہلت دیون دا ویلا لنگھ گیا، اختر مینگل

بلوچستان عوامی پارٹی (بی این پی) مینگل دے آگو سردار اختر مینگل نے اپنی اتحادی جماعت پاکستان تحریک انصاف دے کماں اتے سوال کردیاں آکھیا کہ اجیہے حالات نہ بنائے جاون پئی مشرف والا مور مڑ توں نچن لگ پئے۔
جیو نیوز دے پروگرام ’جیو پارلیمنٹ‘ وچ گل بات کردیاں سردار اختر مینگل دا کہنا سی، پہلے گواچے لوک سن، ہن معاملہ گواچی زنانیاں تیک اپڑ گئی اے۔ جے کسے گھر وچ مجرم ہووے تاں اوہدا مطلب ایہہ نئیں اوس وچ زنانیاں وچ ملوث نیں۔
سابق صدر پرویز مشرف بارے اوہناں دا آکھنا سی کہ پاکستان نوں تباہی دے مونہہ تیک اپڑان والا عدالت دے سدن اتے وی نئیں آوندا، سیاسی لوگ پیش نا ہوون تاں وارنٹ جاری کردیندے نیں۔
اختر مینگل دا کہنا سی کہ جے مشرف دی ایہہ خدمت اے تاں اوس نوں بہادری دا تمغہ ملنا چاہیدا اے، اوہناں فیر آکھیا کہ اجیہے حالات نا بنائے جاون کہ مشرف والا مور فیر نچنا شروع کر دے۔
سردار اختر مینگل دا کہنا سی حکومت نوں مزید مہلت دیون دا ویلا لنگھ گیا اے، جے حکومت والے میرے نال ملاقات کرنا چاہندے نیں تاں نتیجے نال آون۔ کسے نوں خوش کرن لئی ترمیم ہو سکدی اے تاں ساڈے نال کیتے وعدے پورے کیوں نئیں ہوسکدے۔