مسافراں نال بھرے جہاز دے’پائلٹ گھوڑے ویچ کے سوندے رہ گئے‘ تے رن وے نُوں پیچھے چھڈ دتا

( اسلام آباد سجن ڈیسک) ایوی ایشن دی اک رپورٹ موجب مسافراں دا جہاز اُڈان والے دونویں پائلٹس اڈاری وچکار 37,000 فٹ دی اُچائی اتے سوں گئے، جس کارن اوہ طیہ کیتے رن وے اُتے جہاز نُوں لینڈ نہ کروا سکے، پر اُچن چیت الارم کھڑکن پاروں اکھ کُھل گئی تے اوھناں جہاز نوں حفاظت نال اڈے اتے لاہ لیا ،
’ایوی ایشن ہیرالڈ‘ نامی رسالے موجب پائلٹس دی آکھ اوس ویلے کُھلی جد کاک پٹ وچ آٹو پائلٹ الارم وجیا۔ الارم وجن دی وجہ توں جد پائلٹس دی اکھ کُھلی تے اوھناں نے سیکنڈ اپروچ اُتے جہاز نوں لینڈ کروالیا ،اس جہاز نے سوڈان دے خرطوم ہوائی اڈے توں اڑان بھری سی تے اس دی منزل ایتھوپیا دا ادیس بابا ایئرپورٹ سی۔