(اسلام آباد سجن ڈیسک ) پنجاب سرکار نے 9 تے10محرم نوں صوبے دے 205 تھانواں اتے موبائل فون سروس بند رکھن دا فیصلہ کیتا اے، محرم وچ 9 ہزار 487 جلوس تے 37 ہزار 631 مجلساں دے اکٹھ دی اجازت دتی گئی اے۔ اس توں اڈ وسیلیاں دی خبراں موجب 2971 جلوس تے 3694 مجلساں حساس قرار دتیاں گئیاں نیں ۔ محکمہ داخلہ پنجاب دے بلیاراں دا آکھناں اے کہ 872 علما دی زبان بولن اتے ہٹک لئی گئی اے تے 1249 عالماں دی پنجاب وچ وڑن دی ہٹک لاء دتی اے ۔ حساس علاقیاں وچ پلسیاں دیاں گشتی ٹیماں دا مارچ ہووے گا، متحدہ علما بورڈ وی تن گروپاں وچ سارے صوبے دا دورہ کرن گے . وسیلیاں موجب جلوس تے مجلساں دے اکٹھ وچ کورونا ایس اوپیز اتے ڈاھڈے طور عمل کروان دا حکم دتا گیا اے۔
255
