شہبازشریف تے بلاول بھٹو وچکار سرکار مخالف اتحاد لئی منگل نوں اسلام آباد وچ ملاقات ہوئی، جیہدے وچ دوہاں جماعتاں دے آگوواں وی حصہ پایا۔ ایس اکٹھ وچ جے یو آئی دے مولانا فضل الرحمان دی آزادی مارچ وچ رلن اتے ایکا ہویا، پر دوجے پاسے اسلام آباد وچ دھرنا دیون اتے دوہاں پاسیوں رضامندی ناں ہوسکی۔ بلاول بھٹو دا کہنا سی پہلاں وی دھرنے دیون نال کیہڑی سکار لتھ گئی سی، ایس موقعے اتے دھرنا دیون نال کشمیر کاز نوں وی نقصان اپڑ سکدا، ساریاں اہم قوتاں وی سرکار نال نیں، جیہدا فیدا سرکار نوں ہووے گا، اوہدے نال وزیراعظم عمران خان ہیرو بن جاون گے۔
ملاقات وچ اپوزیشن نوں سرکار مخالف ایکا بنائے رکھن اتے زور دتا، آوندے دناں وچ اک بھرواں اکٹھ کرن دا وی فیصلہ کیتا گیا۔
321
