امبرسر وچ جمیا تے لاہور وچ پورا ہویا غلام محمد بخش بٹ عرف گاما پہلوان پنجاب دی اوہ پہچان اے جیہڑی ان ونڈے پنجاب دی یاد دواندی اے_ پنجاب دے اک شہر وچ جمنا تے دوجے وچ پوریاں ہونا دسدا اے کہ پاڑا کی کُج کر سکدا اے_
رُستمِ ہند کہاون والے ایس گھبرو دی کُشتی بارے ہر کوئی جانو اے پر ونڈ ویلے پنجاب دے ایس پُت نے ودھیرے ہندو پنجابیاں دی جان بچائی ایس بارے گھٹ لوک جانکاری رکھدے نے_ پنجابیاں نوں اُجڈ کہن والے کدے نہیں جان سکدے کہ بروس لی ورگا فائٹر وی گامے پہلوان نوں مانتا دیندا سی اور اوہنے گامے پہلوان بارے پڑھ کے اوہدیاں بیٹھکاں تے باقی روٹین اپنا لئی سی_
لندن جا کے جَگ دے پہلواناں نوں ہراون والا گاما پنجابیاں دا ہیرو تے ہند سندھ دا مان اے
266
