اسلام آباد،رپورٹ جیونیوز،
دسیا جاندا اے پئی وزیراعظم عمران خان نے کابینہ ممبراں تے اپنے قریبی سجناں دی کارگزاری توں جانکاری رکھن لئی کارروائی شروع کردتی اے۔
جانکار ذریعے دعویٰ کردے نیں کہ وزیراعظم نے ایس مقصد لئی وفاقی خفیہ ایجنسی نوں ڈیوٹی لادتی اے ایس دے نال اوہناں نوں ہدایت کیتی گئی اے کہ اوہ منفی سرگرمیاں بارے وزیراعظم نوں جانکاری دیندے رہں۔
ذرائع مطابق وزیراعظم نے منگل نوں ہوون والے کابینہ اجلاس وچ اک صلاح کار نال ساتھ سخت رویہ اختیار کیتا۔
دسیاجاندا اے کہ وزیر اعظم نوں تفصیلی خفیہ رپورٹاں مل رہیاں نیں، انج ای وزیراعظم دے اک قریبی ساتھی نال وی تعلقات تناؤ دا شکار نیں، وزیراعظم ملن والی سیکیورٹی رپورٹاں وچ بعض وزیراں نوں بہت مخلص دسیا گیا اے۔
359
