ظالم خلاف بولدے رہواں گے، محسن داوڑ، علی وزیر

رکن قومی اسمبلی محسن داوڑ نے اپنی رہائی مگروں بی بی سی نال گل کردیا آکھیا کہ اوہناں نال اوہو کجھ ہویا جیہڑا ایس خطے اتے وسن والیاں نال ورھیاں توں ہورہیا اے۔ ایتھے جیہڑی آئینی تے جمہوری حقاں دی پامالی ہوندی سی، اوس عمل نوں فیر توں کیتا گیا۔ کہانی تھوڑی وکھری سی۔ خڑقمر اتے اک پرامن احتجاج ہورہیا سی، میں اوتھوں دا منتخب نمائندہ آں، میں اوس احتجاج وچ رلن لئی گیا، جتھے لوکاں میرا سواگت کیتا۔ فیر دنیا وڈیو ویکھی، کدے اتے تشدد ہویا تے کس نے گولی چلائی، اساں آپ نوں احتساب لئی پیش کردتا اے، اوہناں آکھیا کہ محسن داوڑ اتے اک گولی ثابت ہوجائے، تاں کسے وی سزا لئی تیار آں۔
علی وزیر نے آکھیا کہ میرا موقف اوہی اے، اوہدے وچ کوئی فرق نئیں آیا، میرا آکھنا اے کہ ظالم دے خلاف آواز چکدا رواں گا۔ ایس توں پچھاں نئیں ہٹاں گا۔ رکن قومی اسمبلی نے کہیا کہ جتھے تیک آئین دی عمل داری دا مسئلہ اے اسیں اوہدی کدے خلاف ورزی نئیں کراں گے۔