ملتان: تحریک انصاف سرکار صوبہ جنوبی پنجاب بناون لئی پاکستان پیپلز پارٹی (پی پی پی) تے پاکستان مسلم لیگ (ن) توں مدد دی درخواست کردتی۔
اک پریس کانفرنس وچ شاہ محمود قریشی آکھیا پی ٹی آئی دے 3 ممبر اسمبلی نے جنوبی صوبہ پنجاب بارے آئینی ترمیمی بل پیش کیتا،جنہوں وڈی اکثریت نال منظور کیتا گیا۔
اوہناں دسیا پئی بل اتے صلاح کرن تے سانجھی را بناون لئی کمیٹی بناون دا اختیار اسپیکر قومی اسمبلی اسد قیصر نوں دتا اے۔
شاہ محمود قریشی دا کہنا سی، ٓئینی ترمیم لئی 2 تہائی اکثریت دی لوڑ اے جدکے سرکار کول 2 تہائی موجود نئیں اے۔ اسیں بل اتے پاکستان پیپلز پارٹی (پی پی پی) نال گل کیتی اے اوس سانوں چنگا جواب دتا اے جس اتے اسیں اوہدے شکرگزار آں۔
423
