اوکاڑہ (سجن رپورٹ) گُذری راتیں اوکاڑہ ملٹری فارمز دے پِنڈ چک 10/4 ایل اِچ کُجھ شرپسنداں پِنڈ دی مسیحی برادری دے قبرستان چ کئی قبراں اُتے لگے مقدس نشان کراس تروڑ دِتے جیہدے خلاف اَج سینکڑے مسیحی تے مسلمان مزارعیاں قبرستان جا کے احتجاج کیتا تے ایس افسوس ناک واقعے دی ڈاڈھی نندیا کیتی۔ اوہناں سرکار توں مَنگ کیتی کہ مذھبی فرقہ واریت پھیلان والے شرپسنداں خلاف کَڑی کارروائی کیتی جائے۔ اوہناں آکھیا ایہہ گھٹیا حرکت دوہاں مذہباں دے مَنن والیاں وچکار پاڑ پاون تے زِیویں دی ملکیت لئی جاری مزارعیاں دی سانجھی جدوجہد نوں نقصان پہنچاون لئی کیتی گئی اے۔
اوکاڑہ ملٹری فارمز اَپر مسلمان تے مسیحی دوہاں مذہباں دے مزارعے وَسدے ہین اَتے دوویں آپنیاں مَنگاں لئی رَل کے سانجھی جدوجہد کر رھے نیں۔ واقعے خلاف پاکستان کسان رابطہ کمیٹی دے جنرل سیکرٹری فاروق طارق نے مذھبی فرقہ واریت پھیلان والے شرپسنداں دی نندیا کر دیاں آکھیا کہ اجیہیاں اوچھیاں حرکتاں نال اَساڈا اتحاد نئیں توڑیا جا سکدا۔
405
اوکاڑہ فارمز دے دس چک وچ زمین دے اصل مالک مسیحیاں دے قبرستان وچ تخریب کاری دی خبر سجن وچ کل تے بی بی سی وچ اج شائع ہوئی۔ مقامی نیوز چینلاں نوں اطلاع تے ہے لیکن اوہ ایس خبر تے کوئی گل نہیں کردے پئے۔
ّEH CHNGA WIKHALA SI JADON MASIHI TE MUSLIM NAAL ES BEHURMATI MUKHALIF SAHMNAY AAEE.
JINHAN NE SALLEB DE NISHANAN DI BEHURMATI KITI ONHA NOO PHARNA CHAAHI DA TE ADAALAT UNHAN NOO KARRI SAZA DEVAY.