کراچی (سجن رپورٹ) سٹیٹ بینک آف پاکستان نے اگلے دو مہینے لئی ملک اندر سود دی شرح چ 100 بیس پوائنٹس یعنی 1 فیصد وادھا کر دِتائے جیہدے نال سود دی نویں شرح ہُن 13.25 فیصد ہو گئی اے جیہڑی 17 جولائی نوں لاگو ہوسی۔ گورنر سٹیٹ بینک موجب ملک چ جاری مالی وَرھے مہنگائی دی شرح 11 توں 12 فیصد تائیں رہن دا امکان اے پر ا گلے ورھے مہنگائی گھٹے گی۔ سٹیٹ بینک دے گورنر رضا باقر نے کراچی چ مانیٹری پالیسی کمیٹی دے اجلاس مگروں پتر کاراں نال گل بات کر دیاں آکھیا کہ ملک چ مہنگائی وَدھن تے روپے دی قدر گھٹن کارن سود دی شرح ودھاون دا فیصلہ کیتا گیائے جیہڑا کہ عارضی اے۔ آس ہے کہ جاری مالی ورھے دے آخری چھ مہینیاں دوران مہنگائی گھٹنا چالو ہو جاسی جیہدے بعد سٹیٹ بینک سود دی شرح گھٹ کر دیوے گا۔ اوہناں دعوی کیتا کہ ایس فیصلے نال مالیاتی عدم توازن نوں قابو کر لیا جاسی۔
402
طارق بٹ زبردست جی