سرکاراں دا ماسک چاڑھن دے حکماں اتےعمل کروانا ، کیہ سوکھا ھووے گا. .؟؟

(اسلام آباد ڈیسک 20 جولائی ) اس ہفتے توں کئی ملکاں وچ دکاناں، شاپنگ مالز تے عوامی اکٹھا دیاں بند تھاواں اتے ماسک چاڑھنا ضروری ھوسی پر سوال ایہ ھے کہ جگت سیاسی صلاحکار تے لوکاں نوں اپنی گل بات دا رنگ چاڑھن والے سوجھوان اس حق وچ نظری نھیں آوندے نیں کہ اس محول وچ سرکاراں ماسک چاڑھن دے حکم نامیاں اتے عمل کروانا ، کیہ سوکھا ھووے گا. .؟؟
برطانیہ سنڈے ٹائمزدی پتر کار، کالم لکھن والی ، کمیلا لانگ، نے اپنےاس ہفتے لکھے کالم نوں اپنی ٹویٹ راھیں مشھوری کیتی : ‘ماسک دے چاڑھن دا اثر صفر اے۔کیونجے سرکار آکھیا سی کہ ماسک چاڑھن دی کوئی لوڑ نھیں ۔ ھن دسیا جارھیا اے پئی ماسک ضروری اے ،ہٹیاں چپ وٹ لئی اے ، ساڈے بازار اس کھیچل توں تنگ آ چکے نیں ۔ انسانی رشتیاں نوں اس تباھی پھیر کے رکھ دتی اے ۔ پتر کار دا ایہ کالم اوس ویلے چھپیا جد عالمی ادارۂ صحت نے ایتوار نوں ھوکا دتا سی کہ کوروناوائرس پوری دنیا دا روگ بن چکیا اے تے پچھلے 24 گھنٹیاں وچ پہلی واری 260,000 لوکٰیں اس وائرس دآ شکار ھوئے تے ایس روگ پاروں ایسی ھی دیھاڑے کووِڈ۔19 نال 7,360 لوکاں دیاں موتاں ھوئیاں تے اک دیھاڑے وچ کرونا روگیاں دیاں موتاں اک ریکارڈ نیں.