انٹی نارکوٹکس فورس نے ایم این اے رانا ثناء اللہ تے دوجے ملزماں نوں لہور دی ضلع کچہری وچ جوڈیشل مجسٹریٹ اگے پیش کیتا۔
عدالت نے مسلم لیگ پنجاب دے صدر سنے چھ بندیاں نوں چوداں دن دے جوڈیشل ریمانڈ اتے جیل گھلن دا حکم دتا اے۔
ایس موقع اتے کچہری وچ سیکورٹی دے تگڑے بندوبست کیتے سن، کسے ایرے غیرے نوں اندر وڑن دے اجازت نئیں سی۔
رانا ثناء نوں کل موٹر وے اتے سیکھیکی لاگے اے این ایف نے لہور جاندیاں گڈی وچ گرفتار کیتا، اوہناں توں نشہ وی پھڑیا گیا، ایہہ کیہڑا نشہ تے کنی مقدار وچ سی ایس دی جانکاری اے این ایف بلیار ہالے تائیں نئیں دتی۔
اپوزیشن لیڈر شہباز شریف نے ایس گرفتار نوں انتقامی کارروائی دسیا،
مریم نواز ہوراں دے آکھنا اے راناثناء دے کرڑے موقف تے ڈاھڈے بیان ایس گرفتاری دا کارن بنے
اوہناں آکھیا ایس گرفتاری پچھے ”جعلی اعظم ” دا ہتھ اے۔
478
