’دنیا دی سب تُوں وڈّی ریئل اسٹیٹ‘: ٹرمپ تے پوتن دی دو گھنٹیاں دی لمّی فون کال نُوں ماسکو اپنی فتح کیوں سمجھ رہیا اے؟

(اسلام آباد سجن ڈیسک ) روس وچ ایس خبر دی دُھم مچّی اے تے انج لَگ رھیا اے جویں ماسکو امریکی صدر ڈونلڈ ٹرمپ تے صدر پوتن وچکار ٹیلیفون اَتّے ھوون والی گل بات نُوں اپنے حق تے فیدے وچ سوچ رہیا اے
ازویٹسیا نے سٹّا کڈھیا اے کہ ’یوکرین دے جھیڑے نُوں حل کرن لئی پوتن تے ٹرمپ نے سانجھی سوچ اُتّّے پَک کیتا اے ۔‘
اِک ھور اخبار نے اعلان کیتا ’پوتن تے ٹرمپ دی سبھ تُوں لمّی فون کال جس مگروں روس نے سفارتی فتح حاصل کر لئی اے۔‘
پَر دو گھنٹیاں دی ایس فون کال مگروں روس وچ کُجھ لوک فتح دا دعوا کیوں کر رہے نیں؟
َشید اس دی وجا ایہ ہے کہ اس فون کال دے مُکّن تائیں صدر پوتن نُوں امریکہ یا یوکرین نوں کسی قسم دی کوئی رعایت دیون اُتّے مجبور نہیں کیتا جا سکیا۔
سگوں اس دا الٹ ہویا تے اُنھاں نے صدر ٹرمپ وَلّوں 30 دن دی فوری تے شرطاں تُوں بنا جنگ بندی دی صلاح وی رَد کر دتّی۔
دُوجے پاسے امریکی بندوبستیاں نے اپنے منصوبے اُتّے عمل کروان لئی ماسکو نوں کڑڑی ھٹکاں دی تڑھیاں دی تھاں روسی سربراہ دی تعریف کیتی۔
اخیر صدر ٹرمپ نے فاکس نیوز نال گل بات کر دیاں آکھیا کہ ’ساڈی بہوں چنگی گل بات ھوئی اے