اسدعمر ٹویٹ وچ وزارت چھڈن دا اشارہ دتا،اوس مگروں کئی ناواں دا گویڑ لگناشروع ہوگیا، کسے ایوب خان کے پوترے عمر ایوب کسے شوکت ترین دا ناں لتا،قرعہ عبدالحفیظ شیخ دے ناں نکلیا، جیہڑے پیپلزپارٹی تے مشرف دوہاں دے دور وچ خزانے دی وزارت کسے نہ کسے طور سنبھالے رہے۔
بی بی سی ایس سوال اتے گل چھیڑی پئی، حفیظ شیخ کس دا چناؤ سی، کیہ شیخ صاحب عمران خان دا انتخاب ہن یاکسے ہوردے؟
تبصرہ کرن والیاں دی صلاح اے پئی، نون لیگ سنے ساری وڈی جماعتاں کول وڈے معاشی ماہر نئیں، ایس پاروں اوہناں جماعتاں نوں اقتدار وچ آن مگروں بریف کیس خزانہ وزیر ول ویکھنا پیندااے۔
اک تبصرہ نگار داآکھنا اے نویں مشیر خزانہ عمران خان نئیں کسے ہور دا چناؤ اے، حفیظ شیخ ،وزیراعظم دی تھاں فوجی اسٹیبلشمنٹ دی پسند سن۔
سنیئرصحافی محمد ضیاالدین دا رائے وچ حفیظ شیخ دور دور تیک عمران خان دے ریڈاروچ نئیں سن ،اوہناں دوہاں دے آپس وچ کوئی تعلق وی نئیں رہے۔
لنگھے اٹھ مہینیاں توں چوکھی بدانتظامی ہوئی، ایس لئی خیال اے حفیظ شیخ دا ناں کسے ہورنکرتوں آیااے۔مشیر خزانہ سیاسی طورتے ڈاھڈے کمزور نیں، جیہڑا سرکار لیے مسئلہ بن سکدا اے۔
حفیظ شیخ نوں ہالے تائیں تحریک انصاف دا مفلر نئیں پوایاگیا،پارٹی وچ شریک کیتے بغیر ای اوہناں نوں مشیر بنادتا گیا، ایس صورتحال وچ اوہناں نوں اوہناں لیے کافی مشکل حالات ہوون گے۔
ویرواکارکہندے نیں، معیشت دا بُرا حال اے، ویکھنا اے خزانہ دی وزارت اتے کون بیٹھیااے، لگدا انج اے ، حفیظ شیخ کجھ نئیں کرپاون گے،
480
