سابق وزیراعظم نواز شریف دی دھی مریم نواز کوٹ لکھپت جیل لہور وچ اپنے والد نال ملاقات کیتی۔ اوہ دوگھنٹے تک اپنے پیو نال رہیاں تے اوہناں دی صحت اتے گل بات کیتی۔ ایس دوران پیو، دھی وچ کئیں گلاں تے صلاح مشورے وی ہوئے۔ مریم نواز دی جیل آمد دے موقعے اتے لیگی ورکراں نے اکٹھے ہو کے وکھالا کیتا، اوہ نواز شریف نال ملاقات تے اوہناں دی مرضی دا علاج کران دی منگ کر رہئے سن۔ لیگی کارکناں نے نیڑیوں لنگھن والی ٹرین تیز گام روکن دی وی کوشش کیتی، پر تھوڑے چر مگروں ای اوہناں ریل گڈی دا راہ چھڈ دتا۔
436
