جیالے تیارہوجاؤ،حکمراناں خلاف مارچ ہووے گا

سابق صدر آصف زرداری آکھیا حکمراناں دی نیت خراب اے اوہناں غریباں دا جینا اوکھا کردتا اے، اینہاں نوں ہور ویلا نئیں دے سکدے،لاڑکانہ وچ بھٹو دی برسی دے اکٹھ وچ تقریرکردیا،زرداری کارکنوں نوں آکھیااوہ تیارہوجاون اسلام آباد ول مارچ کیتاجاوے گا،تے حکمراناں نوں لان لئی جہادکیتاجاوے گا۔
اوہناں ایہہ وی آکھیا کے پروا نئیں جیل وچ وی گھل دتا تے کوئی گل نئیں پیپلزپارٹی چھیتی سڑکاں اتے ہووے گی۔تے حکمراناں نوں ایواناں وچ کڈکے دم لووے گی۔زرداری آکھیا اٹھارویں ترمیم دے کارن اوہناں خلاف مقدمے بنائے جارہے نیں۔

بلاول بھٹو نیں آکھیا شہیداں دی دھرتی اتے وعدہ کرداآں کدے مایوس نئیں کراں گا۔بھٹو دے سفر نوں جاری رکھاں گے۔اوہناں دا سوال سی کیہ اک وار فیر ساڈے لئی پنڈی وچ کربلا برپا کیتا جارہیا اے۔بلاول آکھیا انصاف دے ناں اتے اپنے خود دے گناہ مت لکاؤ۔