(اسلام آباد سجن ڈیسک ) سپریم کورٹ دے سینئر جج جسٹس قاضی فائز عیسیٰ نے چیف جسٹس ھوراں نوں 3 صفحیاں دی چٹھی لکھی اے تے اس گل اتے چانن پایا اے کہ آرٹیکل 63 اے دی تشریح لئی بنائے گئے 5 رکنی بینچ وچ اجئے جج رلائے گئے نیں جو عدالت دی سنیارٹی لسٹ وچ چوتھے، اٹھویں تے تیرہویں نمبر اتے آوندے نیں ۔ خط وچ آ کہیا گیا اے کہ آئین دے آرٹیکل 184 (3) ہیٹھ سپریم کورٹ بار ایسوسی ایشن (ایس سی بی اے) دی درخاست نوں آرٹیکل 186 ہیٹھ صدارتی ریفرنس د ے نال نال نہیں سنیا جاسکدا، جس وچ صدر نے آرٹیکل 63 اے دی تشریح اتے رائے منگی ھووے ۔
185
