پاکستان وچ کوئی بحران آندیاں دیر نئیں لگدی،غلط بندوبستی کارن لوکاں نوں پریشانی دا ساہمنا کرنا پیندا اے، کنک دی پیدوار ودھ ہوندی سی، ایس ورھے لنگھے ورھے توں گھٹ کنگ ہوئی لیکن ایہہ ملک دا گزارا کرن جوگی سی، سرکار گندم برآمد کرن دا فیصلہ کرلیا سی، دوجے پاسے فلور ملاں وی ویلے سر کنک نئیں چکی، جیہدے کارن آٹا بازاراں وچ گھٹ گیا، ویکھدے ویکھدے پہلاں مُل ودھے فیر لوکاں نوں ملنا آوکھا ہوگیا۔ کئی علاقیاں وچ تندور ٹھنڈے پے گئے۔ دوجے پاسے کئی شیواں دے مُل اتے اختلاف مگروں وڈے سٹوراں نے دال، مصالحے چاول چُک لئے، جیہدے پاروں لوکاں نوں پریشانی دا ساہمنا کرنا پے رہیا اے۔ ایس ویلے بازاراں وچ آٹا تے کھنڈ ملدی نئیں جے ہووے تاں اوہناں دا مُل وادھو اے۔
339
