بھارتی میڈیا مطابق صدارتی حکم نامے راہیں آرٹیکل 370 نوں ختم کر دتا گیا اے جیہدے تحت قبضے ہیٹھ جموں کشمیر ہن ریاست نئیں کہلائے گی۔
دفعہ 370 تحت ریاست جموں کشمیر نوں اک خاص تے وکھری حیثیت حاصل اے۔ بھارتی آئین دے جیہڑی دفعہ تے قنون دوجی ریاستاں اتے لاگو ہوندا اے، ایس دفعہ تحت ریاست جموں کشمیر اتے نافذ نئیں کیتا جاسکے گا آئین دے آرٹیکل 37 تحت کسے وی دوجی ریاست دا شہری جموں کشمیر دا شہری نئیں بن سکدا تے نہ ای وادی وچ کوئی جگہ خرید سکدا اے۔
بھارتی وزیر داخلہ امیت شاہ دے راجیہ سبھا وچ خطاب دوران اپوزیشن ولوں شور شرابہ تے ہنگامہ کیتا گیا۔
محبوبہ مفتی آکھیا کہ مودی سرکار دا فیصلہ مقبوضہ کشمیر دے لیڈراں دے 1947 وچ بھارت نال جڑے رہن دے فیصلے توں میل نئیں کھاندا ، بھارتی سرکار اک پاسی فیصلہ غیر قنونی تےغیر آئینی اے۔
404
