برطانیہ وچ کرونا روگیاں دی ودھدی گنتری پاروں مڑ اک مھینے لئی لاک ڈاون لاگو

(اسلام آباد ڈیسک 1 نومبر،20) برطانیہ وچ کورونا وائرس دے 10 لکھ روگیاں دی ودھدی گنتری کارن برطانیا دے وزیر اعظم بورس جانسن نے لمے چر لئی انگلینڈ وچ مڑ توں اک مھینے لئی لاک ڈاؤن لاگو کرن دا ھوکا دتا اے۔
وزیر اعظم دا آکھناں سی پئی روگیاں دی ودھدی گنتری پاروں قومی صحت دے ادارے نیشنل ہیلتھ سروسز اتے چوکھا بھار ودھن دی وجہ توں ‘طبی تے اخلاقی تباہی’ توں بچن لئی ایہ کرڑے پیر پٹے جا رھے نیں .اوھناں دا آکھناں سی کہ جمعرات توں فالتو دکاناں ، ھوٹل تے بازاراں نوں کھولن اتے ھٹک ھووے گی پر موسم بہار وچ وی سکولز، کالجز تے یونیورسٹیاں کھلیا رھن گیاں ۔ اوھناں آکھیا ایہ ھٹکاں دو دسمبر تائیں جاری رھن گیاں تے ایس واری کرسمس کجھ وکھرے ڈھنگ نال منایا جاسی .