لندن (سجن رپورٹ) برطانوی وزیراعظم ٹریزا مے ہوراں آپنے عہدے توں مستعفی ہون دا اعلان کر دِتا، اوہ 7 جون نوں وزارت عظمیٰ چھڈ دین گیاں۔ اوہناں نوں بریگزٹ معاہدے بارے پارلیمنٹ ولوں کَڑی تنقید دا ساہمنا سی، ٹریزا مے نوں بریگزٹ ڈیل مکمل کران چ اُکا ناکامی ہوئی۔ 10 ڈاؤننگ سٹریٹ تے آپنے استعفیٰ دا اعلان کر دیاں اوہناں آکھیا کہ میں ایس ماملے بارے پارلیمنٹ دے ارکان نوں راضی ئیں کر سکی، بطور جمہوری لیڈر لوکاں دی رائے دا آدر کرنا میرا فرض اے۔ آپنے خطاب توں بعد ٹریزا مے ہوری رون لگ پئیاں۔
449
