کورونا روگ دیاں تباہ کاریاں، لوک تے سرکار

(اسلام آباد 30 ؛دسمبر 2020) ’’کورونا نے اصل وچ میرے دماغ اتے حملہ کیتا سی تے اوس حوالے نال میں پہلے کجھ اس بارے نہ سنیا تے نہ سوچیاسی ۔ کئی گھنٹیاں تائیں ، میں گل بات نہ کر سکیا، سوچ وی نہ سکیا ۔ میرے اکھر گواچ گئے ، یادداشت چلی گئی۔ بھوں تریھ لگ رہی سی پر میرے موہ توں ’’پانی‘‘ لفظ تک نہیں نکل رھیا سی بعد میرے ٹبر دسیا کہ میں اپنا ہتھ تے انگلیاں ہلا رہیا سی ۔ ڈاکٹرزلئی وی ا یہ اک عجیب ماملا سی ۔ ساریاں میڈیکل رپورٹاں درست سن پر کورونے نے عجیب طرحاں میرے اتے وار کیتا سی ۔