چین نے اپنی فوج تے خرچیاں وچ وادھا کیتا اے تے امریکا نوں خبردار کیتا اے کہ اوہ صدر ڈونلڈ ٹرمپ دے تجارتی محصولات دے خلاف انتقامی کارروائی سمیت “ہر قسم دی” جنگ لڑن لئی تیار اے۔
منگل دے دیہاڑے دو وڈیاں عالمی طاقتاں وچکار تجارتی جنگ اودوں تیز ہو گئی جدوں امریکی صدر ٹرمپ نے چینی مصنوعات تے ٹیکس ودھا کے 20فیصد کر دتے جہدے جواب وچ چین نے امریکی زرعی شیواں تے وی 15فیصد ٹیکس لا دتا۔
واشنگٹن وچ چینی سفارت خانے نے ایکس تے اک پوسٹ چ آکھیا: “جے امریکہ جنگ چاہندا اے، چاہے اوہ ٹیرف وار ہووے، تجارتی جنگ ہووے یا کسے ہور قسم دی جنگ، اسی آخر تیکر لڑن لئی تیار آں۔”
سفارت خانے دے ترجمان نے چینی وزارت خارجہ دے بیان دے الفاظ دی وی بازگشت کیتی، جو ٹرمپ دے محصولات دے لاگو ہون دے تھوڑی دیر بعد جاری کیتا گیا سی۔
وزارت خارجہ نے آکھیا کہ جے امریکہ ٹیرف وار، تجارتی جنگ یا کسے وی قسم دی جنگ لاگو کرن تے اصرار کردا اے تے چین “آخری حد تک” لڑن لئی تیار اے۔
28
