کرائسٹ چرچ وچ دو مسیتاں اتے حملیاں وچ 49 بندے مارے گئے،تے 20 توں ودھ پھٹڑ ہوگئے نیں۔
پولیس حکام دسیا، اک زنانی سنے چار بندے شک تے پھڑلیے نیں۔
پولیس کمشنرمائیک بُش کے مطابق ڈین ایوینیوعلاقے دی مسجد النور تے دوجی لِن ووڈ مسجد وچ حملے کیتے گئے۔
نیوزی لینڈ دی وزیراعظم جاسنڈا آرڈرن آکھیا ” حملےدہشت گردی سوا کجھ نئیں،ایہہ نیوزی لینڈ کی تریخ دا کالا دیہاڑ اے،
اخبار نیوزی لینڈ ہیرالڈ مطابق اک حملہ آور دی شناخت ہو چکی اے اوہ آسٹریلوی شہری اے۔
کرائسٹ چرچ دی میئر لیئین ڈلزیل نیں اک بیان وچ آکھیا،اج ساڈا شہر ہمیش لیے بدل گیا۔ اوہناں متاثر ہوون والیاں دا دھیان کرن والیاں شہریاں داشکراداکیتا۔
سوشل میڈیا تے حملہ آور دی پوری فلم چلن مگروں ایس نوں فیس بک تے دوجی ویب سائٹس توں ہٹادتا گیا، ایس فلم وچ اک حملہ آور بندوق چک کے جاندا اے نمازیاں نوں گولیاں دا نشانہ بناون مگروں باہر آکے گڈی وچوں اک ہور بندوق لے کے فیر اوہناں نوں نشانہ بنادااے ،جیہدے مگروں تسلی نال گڈی وچ بہہ کے نکل جاندا اے ،راہ وچ وی باہر گولیاں چلاندا رہیا، ایس 16 منٹ دے فلم وچ اوس نوں کسے نئیں روکیا۔
ایس فلم نوں ویکھ کے اک سوال کیتا جارہیا اے، کیہ ایہہ ات گردی اے یا قتلام اے۔ ایس بندے دا کیہ مقصد سی، ایس نیں نمازیاں نوں کیوں نشانہ بنایا۔کیہ ایہہ کرائے دا قاتل تے نئیں سی۔
485
