آیڈز: لاڑکانہ دی” تحصیل رتوڈیرو”وچ موت دا کھیڈ لھو دی تھاپ اتے جاری اے

کراچی: ایڈز (ایکوائرڈ امیونو ڈیفیشنسی سنڈروم) دے عالمی دیھاڑ دے موقع اتے سندھ دےشہر لاڑکانہ دی” تحصیل رتوڈیرو” وچ ایچ آئی وی (ہیومن امیونو ڈیفیشنسی وائرس) دا ا شکار ہوون والے بالاں دے ماپیاں دا آکھناں اے کہ لنگھے ورھے رتوڈیرو وچ ایچ آئی وی دے کھلار نے پورے ملک نوں ھلا کے رکھ دتا پرسندہ سکار اجے تائیں بھلی بیٹھی اے ، ماپیاں دا آکھناں سی کہ بدقسمتی نال ساڈے بالکاں نوں بھوں مندی حالت وچ تڑف دیاں چھڈ دتا تے ساڈے بالکاں دی موت دا ایہ کھیڈ اجے تائیں خون دی تھاپ اتے جاری اے .سندھ ایڈز کنٹرول پروگرام (ایس اے سی پی) موجب 30 نومبر تائیں 42 ہزار 533 لوکاں دی اسکریننگ کیتی گئی جنھاں وچوں اک ہزار 438 ایچ آئی سی پازیٹو نکلے ، جنھاں نوں رتوڈیرو وچ موجود ” اے آر ٹی سینٹر ” وچ رجسٹرڈ کیتا گیا اے ۔