آئی ایم ایف نال خفیہ شرط منظورنئیں،پی پی

سینیٹ وچ پیپلزپارٹی آگوشیری رحمٰن دا آکھنا سی ملک وچ خفیہ طوراتے عالمی مالیاتی فنڈ(آئی ایم ایف) دی شرطاں مسلط نہ کیتی جاون، سینیٹر شیری رحمٰن آئی ایم ایف نال گل بات معاملے اتے توجہ دلاؤ نوٹس پیش کیتا۔
اوہناں آئی ایم ایف نال شرطاں متعلق پارلیمان نوں اعتماد وچ لین دا مطالبہ کیتا،پی پی آگو آکھیا پارلیمان نوں دسے بغیر آئی ایم ایف نال مذاکرات کیتے جا رہے نیں۔
پی پی سینیٹر داکہنا سی ،سرکار دعوی کیتا پئی، آئی ایم ایف سنے باہروں کسے توں قرض نئیں لواں گے۔
شیری رحمٰن آکھیا سرکاردی چیخاں دی گونج وچ وزیر خزانہ استعفی دتا، ایہہ کوڑی گولی جے کھانی سی تے پہلاں تساں کوئی ویکھ لینا سی۔
پی پی رہنما دا کہنا سی ملک وچ خفیہ آئی ایم ایف دی شرطاں مسلط نہ کرو ۔اینہاں شرطاں اتے گل بات توں پارلیمان نوں بے خبر نہ رکھیا جاوے۔