لہور (سجن رپورٹ) واشنگٹن وچ پاکستان تے انٹرنیشنل مونیٹری فنڈ دے مذاکرات پاکستانی حکومت دی توقع دے مطابق توڑ نہیں چڑھ سکے تے ہن دسیا ج رہیا اے کہ آئی ایم ایف دا وفد بیل آوٹ پیکیج دیا تکنیکی تفصیلاں اتے نگرانی دا طریقہ کار متھن لئی اپریل وچ اسلام آباد نہیں آوے گا۔ ایہہ دورہ ہن مئی وچ ہووے گا۔ پچھلے ہفتے واشنگٹن وچ وزیر خزانہ اسد عمر تے سرکاری افسراں دی ٹیم نے آی ایم ایف دے افسراں نال جیہڑے مذاکرات کیتے اوہناں وچ سارے سوال حل نہیں ہو سکے جیہدے کارن پاکستانی وفد دے کئی افسر واشنگنٹن وچ مزید مذاکرات لئی رک گئے۔
حالانکہ اسد عمر نے واشنگٹن وچ ایک نیوز بریفنگ وچ دعوا کیتا سی بئی دونویں فریق بیل آؤٹ پیکج تے ’معاہدے دے نیڑے پہنچ گئے‘ نیں تے ’ سانوں امید اے کہ ایک یا دو دناں وچ مکمل معاہدے تے پہنچ جاون گے۔ لیکن ہن سرکاری ذریعے دسدے پئے نیں کہ انج لگدا اے کہ ’ دونویں فریق ہن وی معاہدے دی حتمی تفصیلات تے سخت مذاکرات وچ مصروف نیں، ایس لئی آئی ایم ایف دے مشن دا اپریل دی تھاں مئی وچ اسلام آباد دے دورے دا امکان اے‘۔
پاکستان-آئی ایم ایف مذاکرات نال جڑے اک افسر دسیا کہ اسلام آباد توں جون سے پہلاں معاہدہ مکمل ہوون دی آس اے۔
سرکاری افسراں ایہہ وی دسیا کہ آئی ایم ایف نے پاک چین اقتصادی راہداری (سی پیک) دیاں تفصیلاں وی منگیاں نیں تے ہی پاکستان اتے چین دونوں کولوں ضمانت منگی اے کہ آئی ایم ایف دا قرضہ چین دے قرضے دی واپسی لئی نہیں ورتیا جاوے گا۔۔
سرکاری افسراں ایہہ وی دسیا کہ وزیر خزانہ اسد عمر آئی ایم ایف شی شرطاں تے گل بات کرن لئی کے لیے 25 اپریل نوں چین دا پھیرا لا سکدے نیں۔
