دسیا جاندا اے پئی قومی ائیر لائن نے لنگھے دس ورھیاں دوران دس کروڑ روپے توں ودھ دیاں ٹکٹاں سیاستداناں، بیوروکریٹس، ائیرلائن دے پائلٹاں تے وڈے افسراں نوں مفت دے دتیاں، سپریم کورٹ نے ایس معاملے اتے انتظامیہ نوں آڈٹ کران دا حکم دتا سی، جیہدی رپورٹ وچ دسیا گیا پئی جولائی 2016 توں ستمبر 2018 دوران اک کروڑ ستاسی لاکھ دے بنا پیسے مفت دے ٹکٹ دتے گئے، ایس طرحاں 2016 وچ 122 بندیاں نوں 24 لکھ روپے دے ٹکٹ جاری کیتے گئے۔ 2017 وچ 356 مسافراں نوں 56 لکھ تے 2018 دے پہلے 8 مہینیاں وچ 356 بندیاں نوں اک کروڑ 8 لکھ روپے دے دتے۔ پی آئی اے انتظامیہ آڈٹ رپورٹ سپریم کورٹ وچ جمع کرادتی ہے۔
422
