سیکرٹری زاہد عابد نے میلے دا افتتاح کیتا تے پروگرام وچ پنجابی نوں لاگو کرن دی منگ وی کیتی
لاہور پریس کلب دی آرٹ، کلچر اینڈ ٹیکنالوجی کمیٹی دی چھتر چھاویں بین الاقوامی ماں بولی دیہاڑ اتے دوجا سالانہ پنجاب فیسٹیول بڑی دھوم نال منایا گیا۔ لاہور پریس کلب دے سیکرٹری زاہد عابد تے ایکٹ کمیٹی دے چیئرمین امجد عثمانی نے میلے دا افتتاح کیتا، جد کہ زاہد عابد نے نثار عثمانی ہال وچ پنجابی زبان دی ترقی لئی اک پروگرام نال خطاب وی کیتا۔ اوہناں دا کہنا سی کہ جدوں تیکر اسیں گھر وچ اپنے بالاں نال پنجابی گل کرنی شروع کر دیواں گے تے فیرپنجابی زبان نہیں پھیلے گی۔
حکومت پنجاب نو چاہیدا اے کہ اوہ سکولاں وچ دوجے صوبیاں وانگوں پنجابی زبان وی پڑھاون داحکم جاری کرے۔سٹیج سیکرٹری سینئر پترکار سعید اختر اَتے علی عثمان باجوہ سن۔
بلوچستان حکومت دی سابق ترجمان تے موجودہ ایم پی اے فرح شاہ نے میلے وچ نہ صرف پنجابی کتاباں دی تعریف کیتی، بلکہ سارے رنگ برنگے سٹالاں نوں ویکھ کے ولید کامران دے صوفی شاعری تے رقص نوں سراہیا۔ سکھ وفد وچ بھارتی پنجاب دے 18 افراد وچ بہتےاںعورت لیکھک سن۔ دیپتی نے اپنی نویں کتاب پاکستانی لکھاریاں نوں تحفے وچ دتی۔ پریس کلب ولوں مہماناں لئی اک شاندار لنچ وی دتا گیا، جس وچ روائتی پنجابی ڈش ساگ اَتے مکھن وی پیش کیتا گیا۔ کلبّ دے ویہڑے وچ جتھے کتاباں دا میلہ لگیا ہویا سی، اوتھے روائتی کھان پین دیاں چیزاں ویچن والے سٹال وی لگے ہوئے سن تے بچیاں دے کھڈونے وی۔ اک پاسے پگاں بنھیاں پنجابی نوجوان پنجابی لوک-ناچ پیش کرن وچّ ر±جھے ہوئے سن، جدکہ دوجے پاسے راوینز نے وی اپنا ڈیرہ سجایا ہویا سی۔ لہور پریس کلب دے صدر ارشد انصاری جو اسلام آباد یونین الیکشن وچ رجھے ہوئے نیں اوہناں دی کمی اوہناں دے بھرا سینئر صحافی رئیس انصاری ہوراں پوری کیتی جیہڑے آپ وی راوین نیں۔ راوینز دے ڈیرے تے ندیم شیخ موجود سن تے جی آیاں نوں آکھ رہے سن۔کینیڈا توں سکھ سوجھوان پرتھی پال سنگھ اتے کجھ سکھ یاتری خاص طور تے ننکانہ صاحب توں وی اس میلے وچّ حاضر ہوئے۔ پنجابیاں دے ڈیرے تے چودھری عرفان بھنڈر تے اوہناں دے سنگیاں نے روایتی لباس تے پگاں پا کے ڈھول تے لوک گیتاں دی تھاپ تے بھنگڑا پایا۔ لوک صنف ”بولیاں“ وچ پنجابی شاعری گاون والے نذر عباس نے کلب دے ویہڑے وچ اپنا رنگ وکھایا۔شوبز دے رنگاں چ گلوکاراں عباس جٹ، عینی طاہرہ، استاد سعادت علی خان تے انمول فاطمہ دے گیت شامل سن۔ ظفر لوہار دے لوک گیتاں تے بابا ولایت دے تونبے نالے جوڑی نےںپنجاب دی لوک سنگیت نوںفیر جیوندا کر دِتا۔ حسنین بابا گروپ تے منظور ملنگ دے ‘ہیر گائیکی’ دے گاو¿ن تے درشکاں نے کافی دیر تک اپنے سراں نوں دھن وچ رکھیا۔ اوپن ائیر تھیٹروچ ڈرامہ “اکھیاں والیو” پیش کیتا گیا، جس دے اداکاراں دے ہر ایکٹ تے تاڑیاں وجائیاں گئیاں۔ ایہدے لکھاری ولیم پرویز سن۔ ایہنوں عامر نواز ہوراں نے ماس فاو¿نڈیشن ولوں پیش کیتا تے اخیر تے دیر تک تاڑیاں وجدیاں رہیاں۔ آخری پروگرام مشاعرہ سی جس وچ نامور شاعراں نے شرکت کیتی۔ بابا نجمی دی صدارت وچ اچیچے پروہنے عباس مرزا، افضل ساحر، ویر سپاہی، نصیر احمد، صابر علی صابر، صغیر احمد صغیر، صابر ناز، حکیم ارشد شہزاد ‘ اصغر بھٹی، احمد نعیم ارشدتے ہور کئی شاعراں اپنا کلام سنایاایہہ مشاعرہ رات دیر تک چلدا رہیا۔ لاہور پریس کلب دے صدر ارشد انصاری اور سیکرٹری زاہد عابد نے میلے وچ رلت کرن تے پروہنیاں دا شکریہ ادا کیتا تے میلے نوں کامیاب بنان لئی ایکٹ کمیٹی دے چیئرمین امجد عثمانی، شہزاد فراموش تے سعید اختر دیاں کوششاں نوں سلاہیا۔
22
