‘رپورٹ بی بی سی۔
اقتدار تے طاقت دے جنے وی کھیڈ ایتھے کھیڈے جاندے نیں، اوہناں دا کوئی قاٰعدہ نئیں ہوندا۔ بس اوہناں دا اک مقصد ہوندا اے اوپر توں اوپر جانا، اوہ بھانویں کسے دے سر اتے پیر رکھ کے چڑھنا پوے یاں دل اتے، وقت لگے گا سکھ جاو گے۔ ‘
ایہہ مکالمہ پاکستانی فوج دے شعبہ تعلقاتِ عامہ تے نجی چینل ہم انٹرٹینمنٹ دی سانجھ نال بنے ڈرامے ‘عہدِ وفا’ وچ شامل اک اجیہے کردار دا اے جو اک نویں چنے سیاست دان ‘ملک شاہزین’ نوں سیاست دے گر سکھا رہیا ہوندا اے۔
ڈرامے وچ وکھایا گیا اے کہ اک اہم کردار، شاہزین اعلیٰ تعلیم یافتہ وی نہیں اے مگر اپنے دادے دے اثر رسوخ پاروں آسانی نال ایم این اے بن گیا اے۔
شاہزین بطور سیاست دان میڈیا اتے اثرانداز ہو کے اپنے ای دوست نوں پہلاں نوکریوں کڈھاندا اے، فیر دوبارہ ملازمت دو ادیندا اے، فیر اوہ سول سروس وچ انتخاب دے نظام اتے اثر انداز ہوون دی گل وی کردا اے، اپنے یار نوں اسسٹنٹ کمشنر بنن وچ مدد دا دعوی کردا اے۔ میڈیا وچ وی پلانٹڈ انٹرویو وکھائے جاندے نیں، فوج اتے ہالے تائیں کوئی تنقید نئیں کیتی گئی۔
آئی ایس پی آر دا کہنا اے کہ ڈرامہ مکن دی اڈیک کیتی جاوے پہلے کوئی تنقید نہ کیتی جاوے، کیوں جے کسے نوں منفی نئیں دکھایا گیا۔
404
