لہور ( سجن رپورٹ) ضلع گوجرانوالہ دے قصبے وزیر آباد وچ تاریخی عمارت سمن بُرج جس دی مہاراجہ رنجیت سنگھ اوہناں دے اٹالین جنرل تے قائد اعظم تے محترمہ فاطمہ جناح ہوراں دے حوالے نال بڑی اہمیت اے نوں ڈھایا جا رہیا اے۔ ایس عمارت دی ملکیت دے حصے داراں نے آپس وچ ونڈ پا لئی جس پاروں ایس نوں ڈھایا جا رہیا اے۔ ایس عمارت وچ سکھاں دے بادشاہ مہاراجہ رنجیت سنگھ دربار لاؤندے رہئے۔ مہاراجہ رنجیت سنگھ دے اٹلی نال تعلق رکھن والے جرنیل پاؤلو ڈی ایویٹل دی ایہہ عمارت مستقل رہائش سی۔ 1945 وچ قائد اعظم محمد علی جناح تے اوہناں دی بھین فاطمہ جناح ہوری وی ایس عمارت وچ ٹھہرے سن۔
ایس عمارت دے نویں خریدار ایس نوں ڈھا کے ایتھے شاپنگ پلازہ بناون دا ارادہ رکھدے نیں۔ ایتھے کھڑے پھل دار رُکھ پہلوں ای کٹ دتے گئے نیں۔
678
