لکھت ، نعمان یاور
کدے پتنگ بازی کردیاں لٹن والا ڈور ہتھ لگن تے رولا پادیندا سی،
بس اوئے!!!
ایہدا مطلب میں گڈی پھڑلئی، ہن ایس دا مالک میں آں۔ ایہہ ہن میری اے۔
لٹیرے وڈے اخلاقاں والے ہوندے تے ایس نعرے دا چنگا جواب دیندے
ایس گڈی یا ڈور نوں خوشی خوشی دوجے دے حوالے کردیندے۔
ایہہ چنگے دناں دیاں گلاں سن۔
انج ای یار بیلی کدے رل کے جاوندے تاں
کسے مٹیار نوں ویکھ کے کوئی تیکھی نظراں والاں واج لا دیندا
بس اوئے۔
پہلا مطلب بوہو سوہنی، چنگی تے دوجا اوہی میں ویکھ لیا، ہن باقی ایدھر ناں ویکھن تے چنگا ہووے گا۔
کیوں جے ایہہ ہن اوہدا ذاتی مسئلہ اے۔
یاربیلی ایس نوں وی خوشی نال من لیندے۔
ایس جذبے نوں سپورٹس مین سپرٹ آکھیاجاندا۔
ہائے زمانہ بدلیا،دیہاڑ بدلے، دل بدلے، جیویں سبھ کجھ بدل گیا۔
ہن بھانویں کوئی پہلاں بولے یا آخیر وچ
بس اوئے صرف تگڑے تے ڈاہڈے دی ہوندی اے۔
تے اوس دے ہتھ ای آوندی اے۔
کمزور تے ماڑے اونج ای ہتھ کھڑا کرلیندے اپنی ناکامی نال ای کہہ دیندے بس اوئے۔
جمہوریت وچ کدے اصول سی، جیہدے حق وچ فیصلہ ہویا اوہی سبھاں نوں قبول ہوندا۔
ہن فیصلے کرنے والے سبھ نئیں اک ہوندا۔ اوہ وی کسے نوں قبول نئیں ہوندا۔
جیہدا دھڑا تے گروہ وڈا یا مضبوط تے فیصلہ وی اوس دے ناویں لگے گا۔
سیاست وچ وی کمزور دی بس ہوگئی اے۔
اوس وی ہتھ کھڑے کردتے۔
بے وس لوکائی پلے کجھ نئیں۔
مسائل تے حالات دی تلخی ہتھوں اکے ستے لوکیں وی آکھ آٹھدے نیں۔
بس اوئے!!! (ساڈے وسدا روگ نئیں)
