لکھاری
اسلم ڈوگر
پاکستان دی تاریخ وچ وکھو وکھو طرحاں دیاں حکومتاں رہیاں نیں جنہاں وچ کدی صدارتی، کدی پارلیمانی تے کدی فوجی حکومتاں رہیاں۔ ایہناں حکومتاں نوں قابل نالائق، بڈھے، تے جوان، بندے تے زنانیاں ہر طرح دے لوکاں چلایا۔ حکومتاں اپنا کاروبار چلاون لئی چنگے مندے فیصلے وہ کردیاں رہیاں۔
ایس ویلے جیہڑی سرکار ملک چلا رہئی اے یاں چلاون دی کوشش کر رہئی اے اوہ جنجاں دے اگے نچن والے ناچیاں ورگی لگ رہئی اے جہیڑی نقلی گھوڑے بنا کے تے اوہناں اتے جھالرے پا کے اندر آپ نچدے سن۔ کئیں ناچے ایڈا ودھیا نچ دے سن بئی دوروں لگدا سی کہ اصلی گھوڑے نچ رہئے نیں۔
پی ٹی آئی دی سرکار دا لوک کہندے رہئے بئی ایہہ نقلی سرکار اے تے ایس دے اندر کوئی ہوئی وڑ کے ایس نوں چلا رہیا اے۔ کئیں لوخ جیہڑے مسلم لیگ نال نفرت رکھدے سن ایس گل نوں منن لئی تیار نہیں سن۔ اوہناں دا آکھنا سی بئی ایہہ گھوڑے بھانویں اصلی نیں یاں نقل نیں پر لگدا اے کہ ایہہ میدان مار لین گے۔ ہن جدوں ایہہ نقلی گھوڑے لے آندے گئے تے پھیر ایہناں نوں منن توں سوا کوئی راہ ہے وی نہیں سی۔
جدوں پڑ پیا تے ایہناں نقلی گھوڑیاں تے آپ اپنیاں پوچھلاں چک چک کے وکھانا شروع کر دتا بئی اوہ گھوڑے کیہ کھوتے وی نہیں نیں۔ وزیر اعظم عمران خان نے گوادر وچ جلسہ کردیاں دسیا بئی دبئی توں دو ارب ڈالر اوہ نہیں سگوں آرمی چیف جنرل قمر جاوید باجوہ لے کے آئے نیں۔ کوئی ایس وزیر اعظم نوں پچھن والا نہیں جو آکھے بئی اک آرمی چیف دے دوسرے ملکاں نال انج دے سانگے سرکاری طور اتے ہوندے نہیں۔ جے کسے بھیڑی قسمت پاروں ہوون وی تے اوہناں دا انج اعلان نہیں کیتا جاندا۔
پندرہ دیہاڑ وچ وزیر اعظم تن واری ایہہ وہ کہہ چکے نیں بئی ملک دیاں مالی اوکڑاں دفاعی بجٹ زیادہ ہوون پاروں نیں۔ وزیر اعظم نوں جدوں ہر کوئی دسدا سی بئی ملک دی آمدن ودھن نال مسلے مکن گے۔ کرپشن دا رولا پا کے سب نوں ڈراون تے ککڑ کھیہ اڈاون نال سگوں ہور ملک تھلے جاوے گا۔ اوس ویلے ایہہ سرکار کرودھ نال بھری سی تے کسے دی گل سنن لئی تیار نہیں سی۔ ہن جدوں نہ کوئی سرمایہ کار آون لئی تیار اے نہ کوئی ملک قرضہ دیون لئی تیار اے تے ہن خرچے گھٹاون لئی آک رہیا اے۔ کدی اٹھارہویں ترمیم مکاون دیاں صلاحواں دے رہئے نیں تے کدی دفاعی بجٹ گھٹاون دا ہوکا دیندے پئے نیں۔
جس طرح دیاں وی پاکستان وچ حکومتاں رہیاں اوہ کجھ نہ کجھ کر دیاں رہیاں۔ ایہہ ایسی حکومت آ گئی اے جیہڑی نہ تے کجھ کر دی اے تے نہ کسے نوں کجھ کرن دیندی اے۔ ایس کر کے ملک روز دیہاڑے تھلے دی تھلے ای جا رہیا اے۔
اک ٹرک دے پچھے لکھی ایہہ لکھت سب کجھ آکھ گئی ای
ہن جھلو تبدیلیاں نوں
870
لوکاں ووٹ نہ۔دتے ہوون تے فیر۔وی بھگتن۔ مسلم لیگ نون کئی مہینیاں توں ایہہ عجیب دلیل دے رہی اے لیکن ایہہ بھل جاندی اے 26 جولائی نوں شہباز شریف ہوراں آپ ایہہ نعرہ لایا سی جو الیشن وچ دھاند لا ہویا اے تے اسیں ایس دھاندلا الیشن نون نہیں من دے۔ فیر ساریاں اپوزیشن پارٹیاں 25 جولائی دے الیکشن نوں دھاندلا قرار۔دتا تے قومی۔اسمبلی دی دھاندلا۔تحقیقات کمیٹی وی بنوا لئی۔ ایتھے تائیں پہنچ کے اپوزیشن چپ ہی کر گئی تے ہن اپوزیشن پارٹیاں اپوزیشن دا وی کردار ادا نہیں کردیاں تے الٹا عوام نوں میہنے ماردیاں نیں جو تسی ووٹ دتے تے تسی ہن بھگتو۔ لوکائی وچاری نو ں نہ مکالمے وچ شریک کردے نین، نہ سیاسی منشور بناون وچ ایہدا نتیجہ اخیر ایہہ نکلنا اے بئی جیہڑے چار جی سیاسی عمل وچ شریک نین اوہ وی ڈی پولیٹیسائز ہو نا سن تے فیر لوکائی چپ دی زبان نال سارے سیاستداناں نوں آکھے گی ہن تسیں بھگتو !
لوکاں ووٹ نہ دتے ہوون تے فیر وی بھگتن۔ مسلم لیگ نون کئی مہینیاں توں ایہہ عجیب دلیل دے رہی اے (جیہڑی ہن ٹرکاں پچھے لکھی جاون لگ پئی ) لیکن مسلم لیگ نون ایہہ بھل جاندی اے کہ 26 جولائی نوں شہباز شریف ہوراں آپ ایہہ نعرہ لایا سی جو الیکشن وچ دھاند لا ہویا اے تے اسیں ایس دھاندلا الیکشن نون نہیں من دے۔ فیر ساریاں اپوزیشن پارٹیاں 25 جولائی دے الیکشن نوں دھاندلا قرار۔دتا تے قومی اسمبلی دی دھاندلا تحقیقات کمیٹی وی بنوا لئی۔ ایتھے تائیں پہنچ کے اپوزیشن چپ ہی کر گئی تے ہن اپوزیشن پارٹیاں اپوزیشن دا وی کردار ادا نہیں کردیاں تے الٹا عوام نوں میہنے ماردیاں نیں جو تسی ووٹ دتے تے تسی ہن بھگتو۔ لوکائی وچاری نو ں نہ مکالمے وچ شریک کردے نین، نہ سیاسی منشور بناون وچ، ایہدا نتیجہ اخیر ایہہ نکلنا اے بئی جیہڑے چار جی سیاسی عمل وچ شریک نیں اوہ وی ڈی پولیٹیسائز ہو نا سن تے فیر لوکائی چپ دی زبان نال سارے سیاستداناں نوں آکھے گی ہن تسیں بھگتو !