” کھوٹ لنگوٹ ھے تیرا ” لکھاری زاھد اقبال بٹ

لکھاری ” زاھد اقبال بٹ
سوچ سمجھ کے کیتے ایکشن لاحاصل ھی رھندے نیں صرف انسانی جبلت دی گود کھڈائے کارے منصب وچ وادھا کریندے نیں ، نفسا نفسی وچ ڈُبے سماج دی گود وچ پلن والا کرُودھی سماج نراں ٹھگی ٹھگیچی دا اڈہ اے ، جیوندی موئی خلقت دی بے وساھی دا پھڈا اے ، مترا ……. بناں عملوں چوفیرے چیک دا رھناں ایں ،اُنتی دے دھاگے تُھک نال جوڑ دا رھناں ایں ، تُوں کیہ جانیں ھک وچ نچدی بُھک کیہ ھوندی اے ،ایویں بناں کمان دے تیر چھڈیناں ایں ، گل سُن میری ……. ، جے لہُو (خون ) اکھاڑے دی بخشش وچ رلا ھووے ، جے شامل سب دا بھلا نہ ھووے ، سمجھ ندانا ” کھوٹ لنگوٹ ھے تیرا ” ” کھوٹ لنگوٹ ھے تیرا ”