لہور ( پ ر ) پیکا ترمیمی بل 2025 خلاف پاکستان فیڈرل یونین آف جرنلسٹس دی کال اتے ملک بھر دی طرح لاہور پریس کلب وچ وی بھوکھ ہڑتالی کیمپ لگایا گیا ۔ پی یو جے دے اہتمام نال لگائے کیمپ وچ لاہور پریس کلب ، انسانی حقوق کمیشن پاکستان ۔ پنجاب اسمبلی پریس گیلری ، ایسوسی آف فوٹو جرنلسٹس لاہور سمیت وکلاء اور سول سوسائٹی دے نمائندے شریک ہوئے ۔اس موقع اتے صحافیاں پیکا خلاف شدید نعرے بازی کیتی ۔ خطاب کردیاں پی ایف یو جے کے سیکرٹری جنرل تے صدر لاہور پریس کلب ارشد انصاری دا کہنا سی حکمران خود عوام نال جھوٹھ بولدے نیں تے آپ جھوٹھ دا کاروبار کردے نیں ۔ صحافی جھوٹھ خلاف تے عوام دی سچی آواز نیں جس نوں حاکم ریاستی طاقت دے زور اتے بند کرنا چاہندےنیں۔جے حکومت ایس بل اتے سٹیک ہولڈر نال مذاکرات نہ کیتے تے ایس بل نوں ختم نہ کیتا فیر ملک بھر دے پترکار پارلیمنٹ ہائوس دا گھیرائو کرن گے ۔ اوہناں نے کہیا کہ تن روز احتجاجی کیمپ دے آخری روز 14 فروری نو آئندہ دے لائحہ عمل دا اعلان کیتا جائے گا۔ پی یوجے دے صدر نعیم حنیف جنرل سیکرٹری قمرالزمان بھٹی ۔ سیکرٹری لاہور پریس کلب زاہد عابد ندیم زعیم ، شیر علی خالطی پرویز الطاف ، سید فاطر ولید وی خطاب کیتا ۔
65
