چار ورھے پھلاں زاریہ عمیر او لیول دی اک ذہین پڑھیار سی تے مستقبل وچ پوری لگن نال میڈیکل پروفیشن وچ جانا چاھندیاں سن پر فیر اچن چیت اوھدی حیاتی وچوں خشیاں، امنگاں تے مستقبل دے سفنے سبھ کجھ مکدے گئے ، او لیول وچوں ناکامی توں مگروں زاریہ نے والد دے دبا نال ایف ایس سی کیتا، ڈاکٹر بنن دا خواب پوریاں نہ ھوون پاروں اوہ نا امیدی دے ڈحائے چڑھن دی دجا توں ڈپریشن ورگے روگ وچ پھس گئی ۔پچھلے دو ورھیا ں توں زاریہ لہور تے کراچی دی کوالیفائڈ سائیکا ٹرسٹ تے تھراپسٹ کولوں دوادارو کر رھیاں پر سست ریکوری نوں ساھمنے رکھدیاں ایھناں دے دیکھتے ہوئے ایھناں دے والد عمیر مرزا علاج لئی بدیسی ملک دی تیاری کر رھے نیں پر ایہ صرف اک 20 سالہ زاریہ دی کہانی نہیں اے ایہ جیھیاں درجناں کڑیاں وی اس پریشانی توں گزر رہیاں نیں ، آغا خان یونیورسٹی کراچی ولوں جاری کیتی اک تحقیقی رپورٹ موجب ڈپریشن تے اینزائٹی پاکستان وچ تیزی نال پھیلن والے روگ تے مسلے نیں جھدا سب توں زیادہ شکار نوجوان نسل اے ۔
پاکستان وکھو وکھ شہراں وچ ڈپریشن دے مریضاں دی شرح 22 توں 60 فیصد تائیں اے ، اک ویروے موجب ذہنی مریضاں دی شرح جیکر انج ای ودہ دی رھی تے 2050 تائیں پاکستان ذہنی مسئلیاں تے بیماریاں دے حوالے نال عالمی ریکنگ وچ چھویں نمبر اتے ھووے گا ۔
791
