سنو عشق دی بازی

لکھاری زاھد اقبال بٹ
ایھ کیھو جیھا جیون بھید اے جھدے سارے سوالاں دے جواباں دی جانکاری دا علم سبھاں نوں اے بھاویں اوہ تخلیقی اے یاں تخلیقی نھیں تھاڈے ہر سوال دا جواب پھلوں تے گھڑ کے رکھیا اے ۔دنیا سوچ وچار دے حوالے نال جنھی مرضی اگانہ ودھ جا وے ساڈے تخلیق کاران اپنی گل بات مڈ ہوں ای شروع کرنی اے بھاویں موجودہ حالات وچ ایجنڈے وچ شامل ھوون بھاویں نہ ھوون کوئی فرق نھیں پیندا۔ اسیں گھروں ای قسم کھا کے ٹرنے آن کیہ کسے نوں وی بولن نھیں دینا تے نہ ھی دوجے دی گل سننی اے، اپنی سچائی دا رولا وی پا کے رکھنا اے تے دوجے دا سچ کنی پین نھیں دینا تے آخر وچ تڑھی وی لاء دینی کہ دوجا ساڈی گل منیوں بغیر جا کے تے وکھائے ۔ ایہ ساڈی ناکامی دی سبھ توں وڈی نشانی اے۔ ساڈی اجیھیاں لاپروائیاں تے ضداں ھولے ھولے دیاں خود کشیاں نیں کوئی منے بھاویں نہ منے ۔ دنیا وچ کامیاب ھونا گھرائی وچ ناکام ھونا اے ساڈی نہ تے گھرائی اے تے اونچائی ساری دنیا نوں پا لینا تے اپنے آپ نوں مگروں لاء دیون وچ فیدا کیہ اے ۔کیا اس جیون دی ترتیب متھی اے یاں ایھدا کھلارحدوں بے حد اے ۔ جیکر جنگل بیلے دی حد بندی اے تے بیلیوں پار وساہ پکا کرنا سوکھا نھیں کیونجے حدبندی سجناں بیلیاں دی ٹھار وی اے ، من مرضی دے سجناں دی ڈھو وی اے تے وافر مقدار وچ جمے بالاں دی لکن میٹی دی کھیڈ وی اے،جد جیون ھچکولے کھاندا چل رھیا اے تے اجیھے واسیاں نوں پاگل کتے کٹیا اے کہ اوہ ان ڈٹھے خوفاں دی پنڈہ سرے چائے . انسان نے اپنے آپ نوں معزور بنا لیا اے تے اپنے آپ نوں سنگلاں نال بنھ لیا اے تے فیر آزادی وی منگ رھیا اے عجیب گل اے مترو اصل وچ سھنی ھی حیاتی دا انت اے آخر چ اک گل کرنی چاھواں گا کہ جیھڑا کم پریت نال سرے چڑھے اوہ تاں تخلیقی اے تے جیھڑا سوچاں دا ناس مار دیوے اوھنوں تسیں کیہ آکھو گے—؟؟ کیہ۔۔۔نوے سماج دی اساری لئی نواں سبق پڑھناں سوکھا اے ؟ایھدا فیصلا وقت کرے گا