بلوچستان توں تعلق رکھن والی 14ورھیاں دی زنیرہ قیوم موجب جہناں نوں حالیں اقوام متحدہ دے بالاں دے فنڈ (یونیسیف) ولوں پاکستان وچ موسمیاتی ایکشن تے کُڑیاں نوں بااختیار بنان لئی یوتھ ایڈووکیٹ نامزد کیتا گیا سی، موسمیاتی تبدیلی نے نہ صرف اوہناں دے خاندان نوں متاثر کیتا تے اوہناں نوں ہجرت کرن تے مجبور کیتا سگوں اوہناں دی تعلیم تے وی اثر پایا، جیہدے مگروں اوہناں نوں موسمیاتی تبدیلیاں اُتے کم کرن وچ دلچسپی ہو گئی۔
پالیسی ریسرچ چیلنج 2023وچ رلت کردے ہوئے زنیرہ قیوم نے بلوچستان دے اپنے آبائی ضلع حب وچ موسمیاتی تبدیلی دی وجہ توں آن والے سیلاب دے منفی اثرات بارے تحقیق کیتی تے اوہناں دی تحقیق یونیسیف پالیسی ریسرچ چیلنج 2023دے فاتحین وچ شامل سی۔
موسمیاتی تبدیلی بارے زنیرہ قیوم دے کم دی حوصلہ افزائی لئی، یونیسیف نے ڈان میڈیا بریتھ ولوں منعقدہ پاکستان موسمیاتی کانفرنس وچ پاکستان وچ موسمیاتی کارروائی تے کڑیاں دے حقاں لئی اپنی یوتھ ایڈووکیٹ مقرر کیتی۔
زنیرہ قیوم مطابق: ‘جدوں مینوں پتہ لگیا کہ موسمیاتی تبدیلی دی وجہ توں آن آلے سیلاب تے دوجیاں قدرتی آفتاں دا کڑیاں دی سیکنڈری تعلیم تے منفی اثر پے رہیا اے تے میں ایس موضوع تے کم کرن دا سوچیا۔
زنیرہ قیوم دے مطابق: “سی او پی 29 کانفرنس وچ شرکت کر کے میری حوصلہ افزائی ہوئی کہ دنیا بھر دے لوک موسمیاتی تبدیلی دے مختلف پہلوآں اُتے تبادلہ خیال دے لئی اس کانفرنس وچ حصہ لے رہے سن تے ميں امید کردا ہاں کہ سی او پی 29 عالمی کانفرنس موسمیاتی تبدیلی دا بہتر حل تلاش کرے گی۔
“نوجواناں نوں مایوس نہیں ہونا چاہیدا. تہاڈا مستقبل کیہ ہووے گا؟ اس دا اس گل نال کوئی لینا دینا نئیں کہ تُسی کتھوں آئے او یا تہاڈا پچھوکڑ کیہ اے۔ جے نوجوان وڈے وڈے سفنے ویکھن تے ایہناں سفنیاں نوں پورا کرن لئی کم کرن تے کئی مسئلے حل ہو سکدے نیں۔
29
