ویلے توں پہلاں بڈھاپا

تناؤ تے مایوسی اجیہی کیفیت اے جدے نال ہرکسے دا واسطہ پیندا اے، ایہہ کیفیت بندے نوں ویلے توں پہلاں بڈھا بنادیندی اے۔ امریکا دی کیلیفورنیا یونیورسٹی دے ماہراں طبی پرچول مگروں چتاونی دتی اے، کسے صدمے مگروں تناؤ بڈھاپے ول سفر تیز کردیندا اے۔
صدمے یا سٹ لگن پاروں ایہہ روگ جنہوں پی ایس ٹی ڈی آکھیا جاندا ے، انسان دی حیاتی دے کئی ورھے گھٹ کردیندا اے۔
تحقیق وچ دسیا پئی صدمے مگروں کھچاؤ کروموسومز وچ ٹیلومیئرز نوں نقصان پہنچادااے، جیہدے پاروں بڈھاپا چھیتی آجاندا اے۔ اجیہے لوکاں نوں بڈھاپے نال رلدے روگ جیویں کہ دل، شوگر تے بھلن دی بیماری ڈیمنشیا وی ہوسکدی اے جنہاں دے کارن چھیتی موت دا وی خطرہ اے۔