میشا شفیع نے جج اتے وساہ کرن توں انکار کر دتا

ٕاسلام آباد: مشھور کلاکار علی ظفر تے میشا شفیع وچکار کھچ دھرو جاری اے پر ھن عدالتی معاملےاتے اک نواں پواڑا سامنے آیاجد میشا شفیع نے عزت رولن تے خراب کرن دیے دعوے دا فیصلا کرن والے ایڈیشنل سیشن جج اتے وساہ کرن توں انکار کر دتا اے تے اونھاں دا آکھناں اے کہ میرے چھیڑ چھاڑ دے معاملے نوں کسے دوجے جج دے حوالے کیتا جائے ،چیتے رھوے کہ ایڈیشنل سیشن جج نے میشا شفع دی درخواست اتے دلیلاں پوریاں ہوون پاروں فیصلہ محفوظ کر لیا اے۔