مسلم دنیا دی پہلی زنانی وزیراعظم شہید بینظیر بھٹو دی اج 66 ویں ورھے گنڈھ اے، اوہ 21 جون 1953 نوں کراچی وچ ذوالفقارعلی بھٹو دے گھر پیدا ہوئیاں ۔ برطانیہ تے امریکا وچ اعلیٰ تعلیم لیتی۔ ہالے اوہ پڑھ رہی سن جدوں اوہناں دے والد ذوالفقار علی بھٹو دی سرکار دا تختہ الٹ دتا گیا۔ والد نوں پھائے لادتا گیا، جدے مگروں بینظیر بھٹو نوں نظربندی تے وطن نکالا دتا گیا
1986 وچ بینظیر بھٹو وطن پرتیاں تے 1987 وچ آصف علی زرداری نال ویاہ کرلیا۔ 1988وہ ا وہ تریخ دی گھٹ عمر والی تے اسلامی دنیا دی پہلی زنانی وزیراعظم چنیاں گئیاں۔ 20 مگروں اوہناں دی سرکار لادتی گئی، 1993 وچ لوکاں اوہناں نوں مڑ دوجی وار وزیراعظم بنادتا۔ 1996 وچ فیر اوہی کجھ ہویا تے سرکار ختم کردتی گئی، 1998 وچ بی بی نوں وطن چھڈنا پےگیا۔
2007 جنرل مشرف سرکار وچ اوہناں پاکستان قدم رکھیااوہناں اتے 16 اکتوبرنوں حملہ ہویاجدے وچ اوہ بچ گئیاں پر دوسو توں ودھ جان توں گئے، 27 دسمبر نوں فیر گھات لائے دشمن حملہ کیتا،جدے وچ بے نظیربھٹوشہیدہوگئیاں۔
![](https://sajjanlahore.com/wp-content/uploads/2019/06/hqdefault-480x320.jpg)
بی بی شھید