نیوزی لینڈ دے شہر کرائسٹ چرچ وچ مسیت اتے فائرنگ نال 49 بندے شہید ہو گئے، وزیراعظم ہلاکتاں دی تصدیق کردتی۔ بنگلہ دیش دی کرکٹ ٹیم حملے وچ بچ گئی۔۔ جمعے دی نماز ویلے اک گڈی وچ ہتھیاراں نال حملہ کرن آیا۔ دھشت گرد النور مسجد وچ گولیاں چلا دتیاں جیہدے نال کئی نمازی شہید ہو گئے۔
مسیت وچ نماز ویلے نیوزی لینڈ دے دورے اتے گئی ہوئی بنگلہ دیش دی ٹیم وی موجود سی۔ جیہڈی حملے وچوں مشکل نال بچی۔ جد کھلاڑیاں نوں باہر لیاندا تے او ڈاہڈے ڈرے ہوئے سن۔ بنگلہ دیش دی ٹیم دے کپتان تمیم اقبال آکھیا بئی اللہ نے اوہناں نوں بچا لیا، زندگی وچ اگوں اوہ اجیہا واقعہ نئیں ویکھنا چاہندے۔
ایس دھشت گردی مگروں ہفتے توں کرائسٹ چرچ وچ شروع ہوون والا تیجا ٹیسٹ ملتوی کر دتا گیا۔ نیوزی لینڈ دے وزیراعظم دا آکھنا اے کہ ایہہ ملکی تریخ دا کالا سیاہ دن اے۔
![](https://sajjanlahore.com/wp-content/uploads/2019/03/IMG-20190315-WA0002-624x320.jpg)