امریکا دی متوازی افغان سرکار دی مخالفت، فوجاں نکلنا شروع،قیدی چھڈن دا اعلان

کابل: افغان صدراشرف غنی نے طالبان قیدیاں دی رہائی دا اعلان کردتا جدکہ امریکا نے امن معاہدے تحت افغانستان فوجی کڈنا شروع کردتے۔
افغان خبر ادارے مطابق دوجی واری صدر دی سونہہ چکن والے افغان صدر اشرف غنی طالبان قیدیاں دی رہائی دا اعلان کردتا، جیہدے نال ای سارے افغان گروہاں وچکار گل بات لئی مذاکراتی ٹیم وی بنادتی جاوے گی۔
ایس سلسلے وچ افغان صدر دا کہنا کہ خوش قسمتی نال اسیں اک فریم ورک حاصل کرلیا اے، قیدیاں دے تبادلے لئی ہن افغانستان وچ تشدد گھٹ ہوگیا اے۔
دوجے پاسے امریکا نے افغانستان وچ متوازی سرکاری دے قیام دی مخالفت کردتی اے۔ امریکی وزیر خارجہ مائیک پومپیو نے افغان صدر اشرف غنی دے حلف چکن مگروں اک ٹویٹ وچ آکھیا کہ امریکا اکمٹھ تے آپ جوگ افغانستان دی حمایت کردا اے تے ملک وچ اک ویلے دو سرکاراں دی بناون دی کوششاں دی مخالفت کردا اے۔