‘دل دل پاکستان’ دے لکھاری نثار ناسک انتقال کرگئے

مشھور ملی گانا ‘دل دل پاکستان’ دے لکھاری نثار ناسک راولپنڈی وچ پورے ھو گئے ۔ نثار ناسک راولپنڈی دے وسنیک بھوں چر توں بمار سن تے جسمانی کمزوری تے روگ دے ودہ جاون دی وجا توں اوھناں دی نظر جزوی طور تے گھٹ ھو گئی سی تے لمے چر توں روگی ھوون پاروں اوھناں دی معاشی حالت وی بھوں پتلی ھو گئی سی ۔نثار ناسک اردو اور پنجابی زبان دے مشہور شاعر سن تے بھوں گھٹ لوکیں جا ندے نیں کہ اوہ ‘دل دل پاکستان دے لکھاری سن ‘۔چیتے رھوے کہ ‘دل دل پاکستان’دا گانا جنید جمشید نے گایا سی تےا یہی اوہ گانا سی جس دی وجا توں جنید جمشید دے بینڈ وائٹل سائنز نوں مشھوری ملی ۔