انٹرنیشنل کرکٹ کونسل (آئی سی سی) دے اینٹی کرپشن یونٹ سربراہ الیکس مارشل دا آکھنا اے کہ آئندہ ہفتے ورلڈ کپ دے مکمل شفاف ہوون دی گارنٹی نئیں دے سکدے لیکن ایہہ ےضرور کہہ سکدے نیں پئی ایونٹ وچ کرپشن دا خطرہ گھٹ ہوو گا۔
‘بی بی سی’ دی رپورٹ مطابق اپنے بیان وچ الیکس مارشل نے آکھیا میں 12 مشہور کرپٹ بندیاں نوں لکھ کے ،فون کرکے تے واٹس ایپ ذریعے ایہہ گل کنی پادتی اے پئی ٹورنامنٹ دے آل دوالے یا لاگے وی آون دی کوشش نہ کرن تے اوہناں نے وعدہ کیتا اے کہ اوہ ورلڈ کپ وچ کسے قسم دا حصہ نئیں پاون گے۔
ایس دے باوجود الیکش مارشل دا آکھنا اے ایہہ ضروری نئیں کہ اوہ سچ آکھ رہے نیں۔ ایس پاروں اساں وادھو دے پیر پٹے نیں ں تاں جے اینہاں نوں ٹورنامنٹ توں دور رکھیا جاسکے۔
اوہناں دسیا ‘ایونٹ وچ حصہ لین والے 10 ملکاں دی ٹیماں دے کھڈاریاں دی آواجاوی اتے نگاہ رکھن لئی اک انٹی کرپشن مینجر رکھیا گیا اے تے ورلڈ کپ دوران کرپشن بارے ٹریننگ سیشنز رکھے نیں نالے سانوں معلوم اے پئی اساں کیہ کرنا اے۔ ‘
میگا ایونٹ دوران کرپشن توں نبڑن لئی پولیس، نیشنل کرائم ایجنسی، گیمبلنگ کمیشن تے کئی دوجی ایجنسیاں وی کم رہی ہوون گئِیاں۔
367
