ورلڈکپ دا پہلا اپ سیٹ، افریقا بنگلا دیش توں ہارگیا

اوول دے میدان وچ بنگلادیش نے پہلاں کھیڈدیاں عالمی مقابلیاں وچ پہلا تن سیکڑاں بنایا، چھ وکٹاں دے نقصان اتے 330 سکوربنالیے۔ دوہاں اوپنرز تمیم اقبال تے سومیا سرکار نے 60 رنز دی شروعات کیتی، 75 رنزاتے دونوں آؤٹ ہوگئے۔
تمیم اقبال نے 16جدکے سومیا سرکار نے 30 گینداں اتے 42 رنزبنائے۔

شکیب الحسن تے مشفق الرحیم وچکار 142 رنز دی ساجھے داری نے بنگلا دیش نوں وڈا ہدف بناون وچ مدد دتی۔ دونوں تجربہ کار بلے بازاں 75 تے 78 رنز دی ذمہ دار اننگز کھیڈی ۔جنوبی افریقہ نے 331 ہدف دا پچھا کردیاں اوپنر کوئنٹن ڈی کوک دی وکٹ 49 رنز اتے ڈگ گئی، اوہ 23 رنز بنا کر رن آؤٹ ہوئے مگروں کپتان فاف ڈیوپلیسی تے مرکرام نے چنگی شراکت داری بنائی تے مجموعہ 102 تک اپڑادتا۔
مرکرام 45 رنز بنا کر شکیب الحسن دی گیند اتے آوٹ ہوئے جدکے فاف ڈیوپلیسی 5 چوکے تے اک چھکے نال 53 گینداں اتے 62 رنز بنائے۔

ڈیوڈ ملر تے وینڈر ڈوسن نے چوتھی وکٹ دی ساجھے داری وچ ٹیم دے سکور نوں 200 تیک اپڑایا۔ مستفیض الرحمٰن نے ملر دی وکٹ اڑائی، جنہاں 38 رنز بنائے۔ڈومنی نے 45 رنز بنائے جدوں اوور مکے 8 وکٹاں اتے 309 سکور بناسکے، ایس طرحاں جنوبی افریقا نوں 21 رنز دی شکست ہوئی ایہہ ورلڈکپ وچ اوہدی دوجی ہار اے۔