ورلڈکپ، بھارت وی سیمی فائنل وچ اپڑگیا

بھارت نے ورلڈ کپ میچ وچ ویسٹ انڈیز نوں بھیڑی شکست دتی، نالے سیمی فائنل لئی اپنی راہ صاف کرلئی،
مانچسٹر وچ کھیڈے گئے میچ وچ بھارتی ٹیم نے ٹاس جت کے پہلاں بلے بازی دا فیصلہ کیتا ایس میدان اتے پاکستان خلاف سنچری بناون والے روہت شرما نرے 18رنز بناون مگروں واپس ٹرگئے۔ لوکیش راہول تے کپتان ویرات کوہلی نے ٹیم نوں سنبھالا دتا اوہناں دوہاں 69رنزاں دی ساجھے داری بنائی، راہول نوں ہولڈر 48رنز اتے بولڈ کردتا۔ وجے شنکر 14 تے کیدارجادیو 7 سکور مگروں واپسی دی ٹکٹ کٹالئی۔ دھونی کوہلی نوں آسرا کرایا، کوہلی 72 سکور بناوں مگروں پویلین جاکے دم لیتا، دھونی نال پانڈیا خوب جوڑی نبھائی، اوہناں ستھرے 48 بناکر ٹیم نوں اک مناسب سکوراں کٹھیاں کردتیاں۔ 268 بناون والے بھارتی گیند باز محمد شامی نے کرس گیل تے ہوپ نوں چیتھی ٹور دتا۔ ایمبریس تے پوران 58 رنز دی جوڑی بنائی۔ ٹیم ٹک کے بھارتی بولنگ اٹیک دے مقابلہ نہ کرسکی۔
ویسٹ انڈیز دی پوری ٹیم 143رنز اتے ڈھیر ہو گئی تے بھارت میچ 125رنز نال جت کے سیمی فائنل وچ تھاں پکی کرلئِ۔